وروستی
پکتیکا کې د طبي پاتې شونو د تنظیم کمېټې نوبتي ناسته وکړه
۱۴۴۷ کال د ربیع الثاني ۱۳مه/ پکتیکا
د پکتیکا ولایت د چاپېریال ساتنې رئیس مولوي سجاد خان وقاص
په مشرۍ د بېلابېلو دولتي ادارو تر څنګ د خصوصي سکتور اتحادیې د استازو په ګډون د
طبي پاتې شونو د تنظیم ولایتي کمېټې نوبتي ناسته وکړه.
په ناسته کې د طبي پاتې شونو د ښه تنظیم په موخه د ښار اړوند
د ټولو ناحیو روغتونونو او کلینيکونو د
طبي پاتې شونو ارزونه او په دې برخه کې بشپړ معلومات د طبي پاتې شونو د کمېټې
له غړو سره شریک شول چې
له مخې به یې چاپېریال او انساني روغتيا
خوندي شي.
په یاده غونډه کې د پکتیکا ولایت مقام با صلاحیته استازي،
عامې روغتیا ریاست، پکتیکا پوهنتون ریاست، ښرنې ښاروالۍ ریاست، استخباراتوریاست،
کرنې اوبو لګولو او مالداري ریاست، د علماوو شوراء ریاست، اقتصاد ریاست او خصوصي
سکتور استازو پکي ګډون کړي وو.
د غونډې پرانیسته د قران کریم د څو مبارکو ایاتونو په تلاوت
سره پیل شوه. وروسته د پکتیکا ولایت د چاپېریال ساتنې رئیس مولوي سجاد خان وقاص په
پکتیکا ولایت کې په مصئون ډول د طبي پاتي شونو د له منځه وړلو او هغه ستونزې چې د
طبي پاتې شونو له اړخه د چاپېریال ساتنه او انساني روغتیا ګواښي د حل د لارو چارو
پيدا کولو په موخه هر اړخیزې خبرې وکړې.
ورپسې د بېلا بېلو ادارو استازو په خپل وار سره د طبي پاتې
شونو د تنظیم او مدیریت، د طبي پاتي شونو د اضرارو څخه د مخنیوي په موخه د عامه
پوهاوي تر سره کول، د طبي پاتې شونو د انتقال او لهمنځه وړلو په هکله هر اړخیزې
خبرې وکړې.
د یادې کمېټې د غړو لخوا پر یو شمېر مهمو موضوعاتو اړوند
پريکړې وشوې، چې د طبي پاتې شونو د تنظیم د مقررې پر اساس به خپل ټول فعالیتونه
ترسره کړي.
یادونه : د پکتیکا ولایت د چاپېریال ساتنې ریاست د طبي پاتې
شونو کمېټه د ټولو دولتي او نادولتي روغتونونو او کلینیکونو له مالکانو څخه غوښته
کوي چې د طبي پاتې شونو د ښه تنظیم پر اساس دې د چاپېریال خوندیتوب، د خپل ځان او
راتلونکي نسلونو ژوند تامین او په دې برخه کې دې د چاپېریال ساتنې ریاست
سره همکار و اووسي.