وروستی
ننګرهار کې د چاپېریال ساتنې ریاست مسلکي فعالیتونه و ارزول شول
١٤٤٧کال د ربیع الثاني ١٥مه/ ننګرهار
د چاپېریال ساتنې ملي ادارې مسلکي هیئت د ختیځو ولایاتو د ریاستونو
د فعالیتونو د ارزونې او نظارت په موخه ننګرهار ولایت ته سفر وکړ.
هیئت د سفر په پیل کې د ننګرهار د چاپېریال ساتنې رئیس قاري
احسانالله مختار او د هغه له همکارانو سره په رسمي ناسته کې د خپل سفر موخې او د
ارزونې هدفونه تشریح کړل.
وروسته د ریاست د بېلابېلو مسلکي برخو اسناد او راپورونه د هیئت
لهخوا و ارزول شول. د فایلنګ او اداري تنظیم د لا ښهوالي لپاره اړینې سپارښتنې
او رهنمودونه هم د هیئت لهخوا د کارکوونکو سره شریک شول.
د یاد سفر په دویمه ورځ، د ننګرهار چاپېریال ساتنې ریاست د هیئت
په ملتیا د صنعتي پارکونو او ښاري اصنافو له یو شمېر فابریکو او ساحو څخه نظارت وکړ.
د نظارت پر مهال، د چاپېریالي اصولو د رعایت په اړه مالکانو او مسؤلینو ته لازمې
لارښوونې وشوې.
همدارنګه، د ساحوي کارکوونکو لهخوا د نظارت او ارزونې په
برخه کې موجودې ستونزې له هیئت سره شریکې شوې او د هغوی د دندو د لا اغېزمن ترسره
کولو لپاره عملي مشورې وړاندې شوې.
د چاپېریال ساتنې ملي اداره پلان لري چې دا لړۍ به د ټولو
ولایاتو د ریاستونو په کچه د دوامداره نظارت او د مسلکي کار د کیفیت د ښه والي
په موخه دوام ولري.