وروستی
د چاپېریال ساتنې ملي ادارې او کاردان پوهنتون د اقلیم بدلون د ارزونې یو ورځنی علمي بحث تر سره کړ
١٤٤٧کال د ربیعالثاني ۱۶مه/
کابل
د چاپېریال ساتنې ملي ادارې د کاردان پوهنتون په همکارۍ د
اقلیم بدلون د ارزونې علمي بحث ترسره کړ.
ناسته د قرآن کریم د مبارکو آیتونو په تلاوت پیل شوه او
وروسته د کاردان پوهنتون رئیس ډاکټر احمد خالد حاتم د پرانیستونکې وینا په ترڅ کې
د اقلیمي بدلون پر منفي اغېزو او د علمي بنسټونو پر رول خبرې وکړې.
د چاپېریال ساتنې ملي ادارې عمومي رئیس مولوي مطیعالحق
خالص، د اقلیم بدلون د اغېزو او د ادارې د کړنو په اړه تفصیلي وینا وړاندې کړه.
نوموړي وویل چې افغانستان د اقلیم بدلون له امله له سختو ننګونو سره مخ دی او د
اقلیمي خطرونو پر وړاندې ګډ علمي، تخنیکي او ټولنیز عمل ته اړتیا لري.
هغه زیاته کړه چې ادارې د اقلیم بدلون د اغېزو د کمولو لپاره
ګڼ مهم ګامونه اخیستي، لکه د اقلیم بدلون د مبارزې ملي ستراتیژي، د ونو کرلو کمپاینونه،
د NDC_2 سند
بشپړول، د څېړنیزو فارمونو جوړول، او له پوهنتونونو سره د علمي همکاریو پراخول.
ښاغلي خالص د نړیوالو همکارانو له ملاتړ څخه هم یادونه وکړه
او ویې ویل چې د ادارې مشرتابه په نړیوالو اقلیمي کنفرانسونو، لکه COP-29، کې د افغانستان استازیتوب کړی او له بېلابېلو
نړیوالو ادارو سره یې د اقلیمي پروژو د تمویل او همکارۍ په اړه رغنده ناستې لرلې.
نوموړي همداراز د راتلونکو پلانونو په اړه هم معلومات ورکړل،
چې پکې د اقلیم بدلون سره د تطابق سیمهییز پلانونه، د بدیلو انرژیو پراختیا، د NDC_3 سند چمتو کول او د خبریالانو د
روزنې پروګرامونه شامل دي.
وروسته د کاردان پوهنتون استاد دوکتور سید امیر علوي د
افغانستان د اوبیزو سرچینو او اقلیمي بدلون په اړه خپل تحقیقي پرزنټېشن وړاندې کړ.
د دې علمي بحث وروستۍ برخه یو پنل ته ځانګړې شوې وه چې پکې د
چاپېریال ساتنې ملي ادارې، د اوبو او انرژۍ، کرني او مالدارۍ او عامې روغتیا وزارت
استازو او د کاردان پوهنتون علمي مرستیال یې برخه وال و.
د بحث په آخره کې د کاردان پوهنتون رهبرۍ د چاپېریال ساتنې
ملي ادارې د عمومي رئیس خدمتونه د تنديس په ورکولو سره وستايل او نوموړي ته یې د
لا زیاتو خدمتونو د ترسره کیدو هیله وکړه.