وروستی
د چاپېریال ساتنې ملي ادارې عمومي رئیس د ملکي خدمتونو انستیتوت څخه لیدنه وکړه
۱٤٤٧کال د ربیعالثاني ٢٦مه/ کابل
د چاپېریال ساتنې ملي ادارې عمومي رئیس مولوي مطیعالحق
خالص، د کارکوونکو چارو رئيس مولوي اسدالله جمشید او د یو شمېر نورو رئيسانو په
ملتیا د چارو ادارې اړوند د ملکي خدمتونو انستیتوت څخه لیدنه وکړه. دغه لیدنه د
ملکي ادارو د شفافو استخدامي پروسو او همغږۍ په موخه ترسره شوه.
په دې لیدنه کې نوموړي د چارو ادارې د تعیناتو له رئیس ښاغلي
حقاني او د ملکي خدمتونو انستیتوت له رئیس حافظ اسدالله هارون سره وکتل.
د لیدنو پر مهال دواړو لوریو د ملکي ادارو د خالي بستونو د
ازموینو، د ګمارنې پروسو او د شفافیت د تأمین په اړه مفصلې خبرې وکړې.
همداراز عمومي رئیس د چاپېریال ساتنې ادارې اړوند د دوو خالي
بستونو له کاندیدانو سره د ازموینې د څرنګوالي او روڼتیا په تړاو هم بحث وکړ ترڅو
شایسته، مسلکي او وړ اشخاص د ازاد رقابت د لاري په دندو وګمارل شي.
د چاپېریال ساتنې ملي ادارې عمومي رئیس د ملکي خدمتونو انستیتوت
د مسؤلینو د همکارۍ څخه مننه وکړه او له هغوی یې وغوښتل چې د استخدام چارو په
پروسو کې د شفافیت اصل ته ځانګړې پاملرنه وکړي څو وړ او متعهدو کادرونو ته په
حکومت کې د خدمت کولو زمینه مساعده شي.
