وروستی
خوست او میدان وردګو کې د طبیعي ځنګلونو څخه نظارت ترسره شو
۱۴۴۷ کال د ربیع الثاني ۲۶مه/
خوست-میدان وردګ
د خوست او میدان وردګو ولایتونو د چاپېریال ساتنې ریاستونو مسوولینو له لوري د
خوست د دوه منده شمل ولسوالۍ اړوند د سید خیلو سیمې شیریپي ځنګل او د میدان وردګو
ولایت د جلریز ولسوالۍ د تکاني حوزې اړوند طبیعي ځنګلونو د چاپېریالي وضعیت څارنه
وشوه.
د خوست ولایت د چاپېریال ساتنې رئیس قاري شریفالله مهاجر په مشرۍ نظارتي ټیم د
دوه مندې ولسوالۍ اړوند سیدخیلو شیریپي ځنګل (ایکالوژیکي سیمې) لیدنه او ارزونه وکړه.
د نظارت په ترڅ کې جوته شوه چې په سیمه کې بیلابیل وحشي ژوي او الوتونکي موجود دي،
په سیمه کې پراخ ځنګلونه او څړځايونه د دې لامل شوي چې وحشي حیوانات او مرغان په سالمه توګه هلته ژوند
وکړي.
یاده ساحه ښایسته طبیعي منظري، ځنګلونه او اوبه لري او همدارنګه پراخ طبیعي څړځایونه
لري.
د ځایي خلکو او ټولنو د چاپېریال ساتنې د اصولو او قوانینو په اړه پوهاوی کم دی، چې
د کارپوهانو لخوا ورته لازمې سپارښتنې وشوې او دوی یې هم د عملي کولو ژمنه وکړه.
د میدان وردګو ولایت د چاپېریال ساتنې ریاست د عامه پوهاوي ټیم د خپل کاري پلان له
مخې د جلریز ولسوالۍ اړوند د تکاني حوزې اړوند د طبیعي ځنګلونو څخه لیدنه وکړه او
د یادې حوزې قومي مشرانو او ملکانو ته یې لارښوونه وکړه چې د طبیعي ځنګونو په
ساتنه کې د چاپیریال ساتنې ریاست سره همکار پاتې شي، ځکه چې طبیعي ځنګلونه نه یواځې د هیواد ملي شتمني ده بلکې د چاپېریال
په ښکلا، اقلیمي بدلون په تعادل، سیلابونو د مخنیوي، د هوا په تصفیه او وحشي حیواناتو
د اوسیدلو لپاره خورا مهم ارزښت لري چی باید ساتنه یې وشي.
طبیعی ځنګلونه د هیواد ملي شتمني ده ساتنه او پالنه یې د ټولو هیواد والو مسولیت دی