وروستی
د چاپېریال ساتنې ملي ادارې عمومي رئیس د (UNICEF) له مسوولینو سره وکتل
۱۴۴۶کال د
جمادي الاول ۱۱مه/
کابل
د چاپېریال ساتنې ملي ادارې عمومي رئیس مولوي مطیع الحق خالص نن یکشنبه د ۱۴۰۴کال د لړم په ۱۱مه نېټه افغانستان کې (UNICEF)له
مسوولینو سره په خپل کاري دفتر کې وکتل.
په دې ناسته کې د دواړو خواوو تر منځ د افغانستان د چاپېریالي وضعیت، اقلیمي
بدلون، د ګډې همکارۍ او همغږۍ د پیاوړتیا په تړاو بحث او خبرې وشوې.
د چاپېریال ساتنې ملي ادارې عمومي رئیس د
(UNICEF) مسوولینو هرکلی وکړ او د ماشومانو د ساتنې او
نور برخو کې کې یې د هغوی د فعالیتونو قدرداني وکړه.
ښاغلي خالص د یونیسف له مسوولینو وغوښتل چې پخپلو پلانونو او له اړوندو امارتي
ادارو سره د اسنادو په جوړولو او سروې ګانو ترسره کولو کې د خلکو حقیقي غوښتنې او
نظرونه په پام کې ونیسي، د اقلیمي بدلون په تړاو داسې پلانونه او اسناد چمتو شي چې
په ملي کچه د تطبیق او نړۍواله کچه د منلو وړ وي.
عمومي رئیس ټینګار وکړ چې د اقلیمي بدلون له زیانونو څخه عام خلک په ځانګړې توګه ښځې
او ماشومان زیات اغېزمن شوي دي او دا یوه بشري موضوع ده؛ نو نړۍوالو ادارو ته په
کار ده چې ټول په ګډه دې برخه کې کار وکړي، د دې موضوع بشري اړخ تقویه شي او دا
موضوع له سیاست څخه لېرې شي.
نوموړي ټینګار وکړ چې چاپېریالي موضوعات باید له سیاست څخه جلا شي او نړۍوال باید
په دې برخه کې د افغانانو لاسنیوی وکړي. ده سپارښتنه وکړه چې په نړۍوالو سټیجونو کې
باید د اقلیمي بدلون سره د مبارزې په برخه کې د ملي او نړۍوالې مؤسسو غږ متحد او یوه
خوله وي.
د
(UNICEF)مسوولینو د چاپېریال ساتنې ملي ادارې له
عمومي رئیس څخه مننه وکړه چې د هغه په مشرۍ ادارې سره پیاوړې همغږي لري.
په دې لیدنه کې پر ماشومانو د اقلیمي بدلون د اغیزو، ساتنې او ملاتړ، په نړۍوالو
دریځونو کې په متحد ډول د افغانستان غږ پورته کول، د ګډې همغږۍ او همکارۍ پر پیاوړتیا،
نړۍوالو مالي میکانیزمونو د لاسرسي او نړۍوالو سره د تعاملاتو په برخه کې د یونیسف
مسوولینو لخوا د همکارۍ ژمنې وشوې.
د کتنې په پای کې د همکارۍ او همغږۍ په پیاوړتیا ټینګار وشو او هوکړه وشوه چې د
ذکر شوو مسایلو په هکله به تخنیکي ټیمونه خپل کار ته ادامه ورکړي؛ ترڅو مخکې قدمونه واخلو.