وروستی
جلال اباد ښار کې د یو شمېر فعالیتونو څارنه او ارزونه وشوه
۱۴۴۷ کال
د جمادي الاول ۲۴مه/
ننګرهار
د طبي زبالو د تنظیم، هواککړتیا راکمولو او چاپېریالي اصولو
د تطبیق په موخه د ننګرهار ولایت د چاپېریال ساتنې ریاست مسوولینو او نظارتي
ټیمونو له لوري د یو شمېر فعالیتونو څارنه، ارزونه او د قیمتي ډبرو د استخراج او
پروسس شرکت له مسوولینو سره لیدنه وشوه.
د یاد ریاست د مفتشینو له لوري د جلال اباد ښار اتمې ناحیې
اړوند د بهسودو تعمیراتو په سیمه کې د جامو وینځلو، صابون او کُنجاړې تولیدي
فابریکو او همداراز د ښیوې ولسوالۍ اړوند د جلال اباد او کونړ عمومي سړک ته څېرمه
د سکون معالجوي شل بستریز روغتون د فعالیتونو د څرنګوالي څخه نظارت ترسره شو.
دنظارت په ترڅ کې د یادو فعالیتونو مسوولینو ته موجوده
چاپېریالي ستونزې او نېمګرتیاوې په ګوته شوې او د حل په موخه ورته لازمې سپارښتنې
وشوې چې د فابریکو او روغتون مسؤلینو د چاپېریال ساتنې اصولو او طرزالعملونو د
تطبیق ژمنې وکړې.
د کانونو د استخراج په برخه کې د چاپېریال قانون او مقرراتو
د ښه تطبیق په موخه د ننګرهار ولایت د چاپېریال ساتنې رئیس په مشرۍ د کمال افغان د
قیمتي ډبرو د استخراج او پروسس شرکت له مسؤلینو سره مشورتي غونډه وشوه، د یو شمېر
اهمو چاپېریالي مسایلو په هکله بحث او خبرې وشوې او دواړو خواوو هوکړه وکړه چې د
چاپېریالي اصولو د تطبیق په برخه کې به همکاري کوي.