وروستی
لوګر کې د ظرفیت لوړونې او سازګارۍ پلان جوړولو ۳ورځنی ورکشاپ جوړ شو
۱۴۴۷ کال
د جمادي الثاني۱۲نېټه/لوګړ
د چاپيريال ساتنې ملي ادارې لخوا د رها مؤسسې په همکارۍ له
اقلیمي بدلون سره د سازګارۍ پلان جوړولو او ظرفيت لوړونې درې ورځنی مشورتي ورکشاپ
جوړ شو چې پکې د مختلفو امارتي ادارو استازو ګډون کړی وو.
د ورکشاپ په پیل کې د لوګر مرستیال والي مولوي انور دین پرور
او د یاد ولایت د چاپېریال ساتنې رئیس مُلا محمد کریم مهاجر د اقلیمي بدلون اړوند
مسایلو په هکله هر اړخیزې خبرې وکړې، ورپسې د چاپېریال ساتنې ملي ادارې د اقلیمي
بدلون ریاست کارپوهانو او رها مؤسسې استازي له اقلیمي بدلون د سازښت په تړاو هر
اړخیز معلوماتي پرزنټېشنونه وړاندې کړل.
دغه ورکشاپ چې د لوګر ولایت د اطلاعاتو او فرهنګ په ریاست کې
جوړ شوی، درې ورځې به دوام وکړي او له اقلیمي بدلون سره د سازګارۍ پلان جوړونې
سربېره به د اقلیمي بدلون مختلفو موضوعاتو په تړاو ګډونوالو ته هر اړخیز معلوماتي
پرزنټېشنونه وړاندې شي.
