وروستی
ولایتونو کې د مختلفو فعالیتونو څارنه او ارزونه وشوه
۱۴۴۷ کال د جمادي الثاني۱۶نېټه/ننګرهار-زابل-ارزګان-غزنی
د هواککړتیا راکمولو، مخنیوي او چاپېریال ساتنې ته د خلکو د هڅونې په پار د ننګرهار،
زابل، ارزګان او غزني ولایتونو د چاپېریال ساتنې ریاستونو مسوولینو لهخوا د
مختلفو فعالیتونو څخه څارنه وشوه.
د ننګرهار ولایت د چاپېریال ساتنې ریاست مفتشینو له لوري بهسودو ولسوالۍ کې د یو
شمېر تیلو پمپ سټیشنونو د چاپېریالي وضعیت څارنه وشوه، همداراز د شيرزادو او خوږياڼو ولسواليو کې د کېنول شوو ځنګلي
نيالګيو د وضعيت ارزونه وشوه او د ساتنې او پالنې په تړاو یې له قومي مشرانو او سیمه
ییزو مسوولینو سره مشورتي غونډې وشوې.
زابل کې د خلکو د عامه پوهاوي کچې لوړولو په موخه قلات ښاریانو باندې د هواککړتیا
د مخنیوي په هکله چاپ شوي پیغامونه وویشل شول.
د ارزګان ولایت د چاپېریال ساتنې ریاست مسوولینو له لوري دوه تنه ښکاریان چې د ګل
سر په نوم ۱۰ وزره الوتونکي یې ښکار کړي وو، ونیول شول، له ښکاریانو لیکلې ژمنې
واخیستل شوې چې بیا به ښکار نه کوي او الوتونکي په ازاده فضا کې خوشې شول.
همداراز د غزني ولایت د چاپېریال ساتنې ریاست مسوولینو له لوري د حبیب الرحمن په
نوم د اوړو تولیدي شرکت او د بکاول په دښته
کې د باتور ناهوریان په نوم د ګچ پزۍ تولیدي شرکت د فعالیتونو د څرنګوالي څارنه
وشوه او مسوولینو ته یې د چاپېریالي اصولو په هکله د پوهاوي ترڅنګ لازمې سپارښتنې
وشوې.
چاپېریال ساتنه د ټولو هېوادوالو دیني او ملي مسوولیت دی؛ راځئ چې دغه مسئولیت په
سمه توګه سرته ورسوو!
