وروستی
وردګ پوهنتون کې د نیالګیو کېنولو خزاني کمپاین ترسره شو
۱۴۴۷ کال
د جمادي الثاني۱۸نېټه/میدان
وردګ
د میدان وردګو ولایت د چاپیریال ساتنې ریاست له لوري د (FGA) مؤسسې په همکارۍ وردګ پوهنتون
کې د نیالګیو کېنولو خراني کمپاین ترسره شو چې پکې د یاد پوهنتون او دولتي ادارو
مسولینو ، د پوهنتون استادانو ، محصلینو ، چاپیریال ساتنې ریاست کارکوونکو، قومي
مشرانو او ځوانانو ګډون کړی وو.
غونډه د قرانکریم مبارکو ایتونو په تلاوت سره پیل شوه، ورپسې
د میدان وردګو ولایت د چاپېریال ساتنې رئیس مولوي الله محمد ذاکر د نیالګیو د اهمیت
په اړه خبرې وکړې او زیاته یې کړه چې ونې او بوټي د چاپیریال د ښکلا سربېره د اقلیمي
بدلون په تعادل او د اکسیجن په تولید کې مهم رول لري. نوموړي پر ګډونوالو غږ وکړ چې
د چاپیریال د ښکلا او ساتنې لپاره په خپلو ساحو کې نیالګي کینوي، ساتنه او پالنه یې
وکړي.
د اجنډا سره سم د وردګ پوهنتون رئیس شیخ مولوي محمدامین اغا
د نیالګیو د ساتنې او پالنی په اړه وینا وکړه او ویې ویل: د نیالګیو او بوټو کینول
صدقه جاریه ده او پر ټولو ولسونو او د پوهنتون په محصلینو یې غږ وکړ چې دچاپېریال
د زرغونتیا په موخه نیالګي کینوي او ساتنه او پالنه یې وکړي؛ ترڅو پوهنتون زرغون
شي.
دغه راز دکرنې پوهنځي رئیس محمدامین کریم هم د اقلیمي بدلون
سره د مبارزې، سازښت او په وردګ پوهنتون کې د خزاني کمپاین په تړاو خبرې وکړې او یاد
خزاني کمپاین یې ګټور وباله.
همدارنګه
د خزاني کمپاین پر مهال د FGA موسسې
استازي ډاکترنعمت الله د یادې پروژې د تطبیق او د کرنې او طبعیت له نظره د ونو او
بوټو د کینولو په اړتیا خبرې وکړې او د نیالګیو کینول یې په ټولنه کې مهم
وبلل، پاتې دې نه وي چې د دې کمپاین په ترڅ
کې به (۶۵۰۰) مختلف النوع نیالګي د وردګ
پوهنتون په انګړ کې کېنول شي.