وروستی
د ځنګلونو وهل او ښکار بند دی، سرغړوونکي د قانون منګولو ته سپارل کیږي
۱۴۴۷ کال د رجب المرجب ۱۷نېټه/کندهار-ارزګان
د ځنګلونو د وهلو او ښکار د مخنیوي په تړاو د ریاست الوزراء
عالي مقام د حکم د تطبیق په موخه د کندهار او ارزګان ولایتونو د چاپېریال ساتنې ریاستونو
مسوولینو له لوري پر وخت اقدامات وشول.
د کندهار د دامان ولسوالۍ د سیدانو پمپ په سیمه کې د ځنګلي
بوټو د قطع کولو مخنیوی وشو. په یاده ساحه کې یو تن چې ځنګلي بوټي یې وهلي وو، د
مسوولینو لخوا ونیول شو، لازم معلومات ورکړل شول او لیکلې ژمنه ترې واخستل شوه چې
بیا به ځنګلي بوټي نه وهي او که بیاځلي ونیول شو له قانوني چلند سره به مخ شي.
همدا راز د ارزګان مرکز ترینکوټ ښار کې د چاپېریالي چارو
مفتشینو له لوري د څارنې پر مهال د ګلسر په نوم ۲۹وزره الوتونکي د ښکاریانو له
منګولو خلاص او ازاد شول.
