وروستی
د افغانستان اسلامي جمهوري دولت پلاوي د ملي معين مشارکت همکاريو بنسټ له غړو سره وليدل
د ملګرو ملتونو اقليمي بدلون کنوانسيون غړو د پنځه ويشتم کنفرانس يه څنډه کې د افغانستان اسلامي جمهوري دولت پلاوي د ملي معين مشارکت همکاريو بنسټ غړو سره وليدل.
په پيل کې د ملي معين مشارکت همکاريو بنسټ په استازيتوب ښاغلي جهان چاودري د دې بنسټ د کاري ساحو په تړاو مفصل معلومات وړاندې کړل او ويې ويل: تر دې دمه د ملي معين مشارکت د تجديد په موخه د تخنیکي مرستو د ترلاسه کولو لپاره ۶۵ هېوداونو د ملي معين مشارکت بنسټ غړيتوب ترلاسه کړی دی.
ورپسې د چاپېريال ساتنې ملي ادارې د پاليسۍ او نړيوالو اړیکو معين ښاغلي ادريس مليار د افغانستان اسلامي جمهوري دولت پلاوي په استازيتوب د افغانستان ملي معين مشارکت د جوړولو په اړه چې په ۲۰۱۵ کال کې ترتيب شوی، معلومات وړاندې کړل او ويې ويل چې افغانستان لېوالتيا لري ترڅو د خپل ملي معين مشارکت د شته تخنيکي تشو له امله تجديد کړي.
د ليدنې په ترڅ کې دواړو اړخونو د ملي معين مشارکت د همکاريو په سازمان کې د افغانستان د غړيتوب په اخيستو، د افغانستان ملي معين مشارکت لپاره د تخنيکي مرستې غوښتنې او د افغانستان ملي معين مشارکت د تجديد په تړاو د مالي مرستو د ترلاسه کولو په هکله خبرې وکړې.
په پايله کې د ملي معين مشارکت د غړيتوب د اخيستو په موخه د افغانستان له لوري د اړيکو د مرجع په توګه د دوو تنو معرفي کېدو، د غړيتوب پلان په ترتيب او د ملي معين مشارکت د تجديد لپاره د ذيربطو دولتي او نړيوالو همکارو بنسټونو سره د همغږۍ ناستو په برابرولو په اړه تصميمونه ونيول شول او ژمنه وشو چې افغانستان به هغه تعقيبوي او عملي کوي به يې.
همدرانګه د ملي معين مشارکت د همکاريو بنسټ له لوري ژمنه وشوه چې دوه تنه تخنیکي مشاورين به دوو کلونو لپاره د افغانستان د ملي معين مشارکت د تجديد په موخه استخداموي.