وروستی
په یوشمېر ولایتونو کې چاپېریالي نظارت او ارزونې ترسره شوې
١٤٤٧کال
د شعبان ١٥مه/ ولایات
د چاپېریال ساتنې د
ولایتي ریاستونو له لوري د میاشتني کاري پلان پر بنسټ
په خوست، کندهار، غزني او یو شمېر نورو سیمو کې
له تولیدي شرکتونو، کاري صنفونو او طبیعي سیمو څخه
چاپېریالي څارنې
او پلټنې
ترسره شوې.
د غزني ولایت د خوجه بقال صاحب په کلي کې د
«هجويري پودرسنګ» توليدي شرکت له فعالیتونو څخه
د چاپېریالي جواز د شرایطو د تطبیق په موخه څارنه
او پلټنه ترسره کړه.
د څارنې
پر مهال مسؤلینو ته د چاپېریال ساتنې
قانون او مقرراتو په رڼا کې
لازمې لارښوونې
وشوې.
په خوست ولایت کې د نانوایۍ
کاري صنفونو د چاپېریالي وضعیت ارزونه وشوه، چې
پر مهال یې د فردي او محیطي حفظالصحې،
د ککړتیا د عواملو تشخیص او د کنټرول
په موخه اړینې
سپارښتنې
وشوې او مسؤلینو د رهنمودونو د تطبیق ډاډ
ورکړ.
همداراز د چاپېریالي جواز د
شرایطو د تطبیق په موخه له یو شمېر تولیدي
شرکتونو څخه نظارت ترسره شو او د چاپېریالي
قانون او مقرراتو په رڼا کې
لازمې لارښوونې
ورکړل شوې.
په کندهار ولایت کې د دهلې
بند شاوخوا ځنګلي
سیمو د چاپېریالي وضعیت څارنه
وشوه، چې پر مهال یې د
ځنګلي
بوټو د ناقانونه وهلو او ښکار
مخه ونیول شوه، عامه پوهاوی ورکړل شو او دوه
تنه ښکاریان د وسلو سره نیول شوي، وسلې
ترې ضبط او قانوني تعهد ترې
واخیستل شو.