وروستی
د کابل صنعتي پارک کې د یو شمېر تولیدي فابریکو فعالیتونه وارزول شول
۱۴۴۷ کال د رمضان ۱۵مه نیټه/ کابل
د هواککړتیا راکمولو او چاپیریالي اصولو د تطبیق په موخه د
چاپېریال ساتنې ملي ادارې نظارتي ټیم له لوري د کابل پلچرخي صنعتي پارک کې د پنځه
تولیدي فابریکو فعالیتونه له نېږدي وکتل شول او د چاپېریالي وضعیت نظارت او ارزونه
يې وشوه.
د نظارت په لړ کې د چاپېریالي چارو مفتشینو له لوري د عرفان
پروان، نوراغا منصور او خوش قدم پلاستیکي او چرمي چپلکو، بايو هيلت سن پارما او
زرين يو ځل مصرف پلاستيکي ګيلاسونو توليدي فابريکو فعالیتونه له نېږدې وکتل شول او
د چاپېریالي وضعیت ارزونه یې وکړه.
د څارنې په لړ کې د یادو فابریکو مالکانو ته موجوده
چاپېريالي نیمګړتیاوې او ستونزې په نښه او د حل په موخه ورته لازمې سپارښتنې وشوې،
همدا راز له مالکانو څخه یې په لیکلي بڼه ژمنې واخېستل شوې چې په خپلو فعالیتونو کې
به چاپېریالي اصول او شرایط پلي کوي. د چاپېریال ساتنې ملي
اداره د هر ډول فعالیتونو او تولیدي فابریکو مسئولنو ته سپارښتنه کوي چې په خپلو
فعالیتونو کې چاپېريالي اصولو پلي کړي او هر هغه څوک چې چاپېریالي اصول په پام کې
نه نیسي؛ د قانون منګولو ته سپارل کیږي.