وروستی
د نیالګیو کېنولو ملي کمپاین پر دوام کابل او خوست کې زرګونه نیالګي کېنول شول
۱۴۴۷ کال
د شوال۸نېټه/کابل-خوست
د نیالګیو کېنولو پسرلني کمپاین پر دوام تېره ورځ د کابل او
خوست ولایتونو د چاپېریال ساتنې ریاستونو له لوري زرګونه نیالګي کېنول شول.
د کابل ولایت د چاپېریال ساتنې ریاست له لوري د FGA مؤسسې په همکارۍ د تنګي غارو د شین کمربند
په ساحه کې د بادامو ۳زره
نیالګي کېنول شول، یاد نیالګی د شکردرې ولسوالۍ له قوریې څخه برابر شوي او دوه ډوله
بادام (ننپریال او کارمل) لري چې په غرنیو ساحو کې ښه وده کوي او د سمسورتیا د
پراختیا سربېره مقاومت لرونکي نیالګي دي.
همداراز د خوست ولایت د چاپېریال ساتنې ریاست له لوري ۸۵۰زینتي نیالګي او د خوست ښاروالۍ
سره په ګډه همکارۍ د فامیلیو په سیمه کې سلګونه د ناجو نیالګي کېنول شول.
د چاپېریال ساتنې ملي اداره له ټولو هېوادوالو غواړي چې د هېواد
په سمسورتیا کې د نیالګیو په کېنولو سره برخه واخلي او همداراز د نیالګیو ساتنې او
پالنې ته جدي پاملرنه وکړي.