وروستی
مرکز او ولایتونو کې مختلف چاپېریالي فعالیتونه ترسره شول
۱۴۴۷ کال
د شوال۱۵نېټه/
کابل-میدان وردګ-خوست-کونړ
په فعالیتونو کې د چاپېریالي اصولو د تطبیق او شخصي حفظ
الصحې د ساتنې په پار د کابل، میدان وردګو، خوست او کونړ ولایتونو د چاپېریال ساتنې
ریاستونو نظارتي ټیمونو له لوري د مختلفو فعالیتونو د چاپېریالي وضعیت څارنه او
ارزونه ترسره شوه.
د چاپېریالي چارو مفتشینو له لوري د کابل ښار په مختلفو ناحیو
کې د یو شمېر کلینیکونو، لابراتوارونو، هوټلونو، قصابیو، نانوایانو او کلچهپزیو؛
وردګ پوهنتون کې د (F.G.A) موسسې
لخوا د کېنول شویو نیالګیو د څرنګوالي او چاپېریالي وضعیت؛ خوست ښار کې د آزمون په
نوم مایع غوړیو د بسته بندۍ کارخونې، د مرکزي مسلخ او مختلفو اصنافو او همدراز
اسعداباد ښار کې د مکلي خوړ شاوخوا سیمو کې د خلکو لخوا د کثافاتو اچولو له ځایونو
څخه نظارت او د چاپېریالي وضعیت ارزونې وشوې.
د مفتشینو لهخوا د یادو فعالیتونو مسوولینو ته د چاپېریال
قانون او مقرراتو په هکله د عامه پوهاوي ترڅنګ لازمې سپارښتنې وشوې.