وروستی
د چاپېریال ساتنې ملي ادارې وروستۍ کړني او فعالیتونه وستایل شول
١٤٤٧کال د شوال ١٩مه/ بامیان
په بامیان ولایت کې علمي او چاپېریالي بنسټونو، علمای کرامو
او د یاد ولایت اوسېدونکو د چاپېریال ساتنې ملي ادارې د وروستیو فعالیتونو او
لاسته راوړنو ستاینه وکړه.
د نیالګیو کېنولو ملي کمپاین په تړاو جوړه شوې غونډه کې د یادو
بنسټونو استازو د چاپېریال ساتنې ملي ادارې د هڅو قدرداني وکړه او د دې ادارې د
پالیسي او مسلکي مرستیال مولوي ډاکټر زینالعابدین عابد ته یې د ادارې په استازیتوب
د ستاینلیکونو په ورکولو سره خپل ملاتړ څرګند کړ.
ویناوالو وویل د چاپېریال ساتنې ملي اداره په هېواد کې د طبیعي
سرچینو د ساتنې، د شنو ساحو د پراختیا او د عامه پوهاوي په برخه کې د پام وړ ګامونه
اخیستي دي، چې پایلې یې د خلکو له خوا مثبتې ارزول کېږي.
دوی زیاته کړه چې د چاپېریال ساتنې په برخه کې د یادې ادارې
هڅې نه یوازې د اوسني نسل لپاره ګټورې دي، بلکې د راتلونکو نسلونو لپاره هم یو
سالم او خوندي چاپېریال تضمینوي.
په غونډه کې همدارنګه ټینګار وشو چې د چاپېریال ساتنه یو ګډ
مسوولیت دی او اړتیا ده چې ټول خلک، بنسټونه او اړوند ادارې په دې برخه کې فعاله
ونډه واخلي.
د چاپېریال ساتنې ملي ادارې مرستیال هم د خلکو له ملاتړ او
همکارۍ مننه وکړه او ډاډ یې ورکړ چې د چاپېریال ساتنې او طبیعي منابعو د خوندیتوب
لپاره به خپلې هڅې لا نورې هم ګړندۍ کړي.
