وروستی
د ا.ا.ا د چاپېریال ساتنې ملي ادارې عمومي رئیس د یوه پلاوي په مشرۍ په سیمهییزې ایکولوژیکي سرمشریزې کې د ګډون په موخه قزاقستان هېواد ته په سفر ولاړ
قزاقستان _ ٤ ذوالقعده ١٤٤٧
د افغانستان اسلامي امارت د چاپېریال ساتنې ملي ادارې
عمومي رئیس الحاج مولوي مطیعالحق خالص نن سه شنبه د روان ١٤٠٥ هجري لمریز کال د
غوایي میاشتې په لومړۍ نېټه د یوه رسمي پلاوي په مشرۍ د سیمهییزې ایکولوژیکي
سرمشریزې (Regional Ecological Summit 2026) کې د
ګډون په موخه (آستانه) د قزاقستان پلازمېنې ته په سفر ولاړ.
ټاکل شوې ده چې دغه سرمشریزه سبا پیل شي او درې ورځې به
دوام وکړي، چې پکې به د سیمې د هېوادونو استازي، د ملګرو ملتونو ادارې، نړیوال بنسټونه
او د چاپېریال ساتنې برخې متخصصین ګډون ولري.
دا سرمشریزه د اقلیمي بدلون، چاپېریال ساتنې او د طبیعي
سرچینو د دوامداره مدیریت په برخه کې د سیمهییزو همکاریو د پیاوړتیا لپاره یو مهم
نړیوال پلیټفارم بلل کېږي.
په دې غونډه کې به د اقلیمي بدلون پر وړاندې د ګډو حللارو
موندل، د اوبو او ځمکې اغېزمن مدیریت، د ځنګلونو او ایکوسیستمونو ساتنه، د ککړتیا
کمول او د شنو اقتصادي بدلونونو په ګډون پر مهمو موضوعاتو بحثونه ترسره شي.
په یاده غونډه کې د چاپېریال ساتنې ملي ادارې د ګډون
موخه د سیمې له هېوادونو او نړیوالو شریکانو سره د تجربو تبادله، د اقلیمي خطرونو
د کمولو لپاره د همکاریو پراخول او د افغانستان د چاپېریالي اړتیاوو او لومړیتوبونو
مطرح کول دي.
د افغانستان د چاپېریال ساتنې ملي ادارې عمومي رئیس به د
دې سرمشریزې په عمومي غونډو او تخنیکي ناستو کې ګډون او وینا وکړي او همداراز به
له یو شمېر نړیوالو استازو سره د دوهاړخیزو همکاریو د پراختیا په موخه جلا لیدنې
او کتنې هم ولري.
دغه سرمشریزه د اقلیمي بدلون پر وړاندې د سیمهییزې همغږۍ
د پیاوړتیا په برخه کې یو مهم ګام ګڼل کېږي، چې کولی شي د سیمې د هېوادونو ترمنځ د
ګډو اقداماتو او دوامدارو حللارو لپاره زمینه برابره کړي.