وروستی
ننګرهار کې د چاپېریالي چارو مفتشینو له لوري مختلف فعالیتونه ترسره شول
۱۴۴۷ کال د ذوالقعدې۱۳نېټه/ ننګرهار
د ننګرهار ولایت د چاپېریال ساتنې ریاست نظارتي ټیمونو له
لوري د تېرو دوو ورځو په لړ کې مختلف چاپېریالي فعالیتونه ترسره شوي دي. د فعالیتونو
د ارزونې ټیم له لوري د جلالاباد ښار د څلورمې ناحیې اړوند د ډاکټر عباس عباسي د
طبي وسایلو د ترمیم، تولید او بستهبندۍ له شرکت څخه د چاپېریالي ارزونې په موخه لیدنه
ترسره شوه او د اصلاح په موخه ورته لازمې سپارښتنې وشوې.
پچیراګام ولسوالۍ کې د رها موسسې په همکارۍ د ځنګلونو د
ساتنې په اړه له سپین ږیرو، ځوانانو، قومي مشرانو او ځايي ټولنو سره مشورتي غونډه
ترسره شوه.له ګډونوالو غوښتنه وشوه چې د ځنګلونو په ساتنه کې فعاله ونډه واخلي او
له طبيعي سرچينو څخه په سمه او دوامداره توګه ګټه پورته کړي. د سیمې اوسېدونکو
ژمنه وکړه چې د ځنګلونو د ساتنې په برخه کې به له اړوندو ادارو سره همکاري کوي او
د چاپېريال د خونديتوب لپاره به خپلې هڅې لا پياوړې کړي.
د چاپېریالي چارو مفتشینو له لوري د جلالاباد ښار اړوند
سراچه پُل سیمه کې د مالګې له یوې فابریکې او د غنيخېلو ولسوالۍ اړوند مارکو سیمه
کې د مالګې دوو تولیدي فابریکو د چاپېریالي وضعیت ارزونې وشوې.
همداراز د ځمکې لاندې د ککړتیا او کیفیت معلومولو په موخه د
چپرهار ولسوالۍ بېلابېلو سیمو کې د یو شمېر ژورو څاهګانو څخه د لابراتواري څېړنو
لپاره د اوبو نمونې واخيستل شوې؛ ترڅو په معیاري او مسلکي توګه د اوبو د ککړتیا
کچه معلومه، د څښاک اوبو کیفیت وارزول شي او د احتمالي ککړتیاوو د مخنیوي لپاره
لازم تدابیر ونیول شي.