وروستی
د ګردیز ښار نانوایانو ته د شخصي حفظ الصحې ساتنې په هکله پوهاوی ورکړل شو
۱۴۴۷ کال د ذوالقعدې۱۹نېټه/پکتیا
د پکتیا ولایت د چاپېریال ساتنې مولوي عبدالهادي هدایت تر
مشرۍ لاندې د ګردیز ښار د نانوایانو د صنف له کلانترانو او مسؤلینو سره د چاپېریال
او شخصي حفظ الصحې ساتنې په اړه د همغږۍ او عامه پوهاوي ناسته ترسره شوه.
په ناسته کې د چاپېریال ساتنې رئیس له لوري د پاکوالي،
نظافت او حفظ الصحې په اړه مفصل معلومات وړاندې شول او له ګډونوالو وغوښتل شول چې
په خپلو کاري چاپېریالونو کې نظافت او پاکي په جدي توګه مراعات کړي، تر څو ډوډۍ په
صحي او معیاري ډول هېوادوالو ته عرضه شي.
ښاغلي هدایت د اسلام د سپېڅلي دین له نظره د نظافت او
پاکوالي پر اهمیت خبرې وکړې او ویې ویل چې د اسلامي اصولو رعایت نه یوازې د
کاروبار د برکت او پرمختګ سبب ګرځي، بلکې د الله تعالی د رضا د ترلاسه کولو وسیله
هم ده.
نوموړي همداراز ټینګار وکړ چې د دکانونو او ودانیو په مخ کې
کېنول شوي نیالګي باید په سمه توګه وساتل شي او پالنه یې وشي، ځکه چې دا کار د ښار
په ښکلا، سرسبزۍ او د پاک چاپېریال په رامنځته کولو کې مهم رول لري. هغه له نانوایانو
وغوښتل چې د خپلو دوکانونو مخې ته شنې ساحې وساتي او د نیالګیو د ساتنې مسوولیت په
جدي ډول پر غاړه واخلي.
په پای کې د نانوایانو استازو ژمنه وکړه چې چاپېریالي اصول
او مقررات به عملي کوي او چاپېریال ساتنې ته به پاملرنه کوي.