وروستی
ولایتونو کې د مختلفو فعالیتونو د چاپېریالي وضعیت ارزونه وشوه
۱۴۴۷ کال د ذوالقعدې۱۹نېټه/فراه-خوست-لغمان
په فعالیتونو کې د چاپېریالي اصولو د تطبیق په پار د فراه،
خوست او لغمان ولایتونو د چاپېریال ساتنې ریاستونو نظارتي ټیمونو له لوري د مختلفو
فعالیتونو د چاپېریالي وضعیت څارنه او ارزونه ترسره شوه.
د فراه ولایت د چاپېریال ساتنې ریاست مفتشینو له لوري د کوډ
کیماوي تولیدي شرکت او د څارویو د پېر او پلور بازار د چاپېریالي وضعیت ارزونه
وشوه.
د خوست ښار دویمې
ناحیې اړوند سیمه کې د طبي زبالو د تنظیم
په پار د چاپېریالي چارو مفتشینو له لوري د (۵) بابه غاښونو کلینیکونو د چاپیریالي
وضعیت ارزونه وشوه.
همداراز د لغمان ولایت د چاپېریال ساتنې ریاست نظارتي ټیم
له لوري د معدني اوبو د تصفیې شرکت څخه د چاپېریالي اصولو د تطبیق په موخه لیدنه
ترسره شوه.
د مفتشینو له لوري د ذکر شویو فعالیتونو مسؤلینو ته د چاپېریال
ساتنې د اصولو او مقرراتو پر بنسټ یو لړ مهمې سپارښتنې وشوې او مسؤلینو یې ژمنې وکړې
چې یاد اصول او مقررات به په خپلو فعالیتونو کې عملي کوي، چاپېریال ساتنې ته به
پاملرنه کوي او د چاپېریالي چارو مفتشینو سره به بشپړه همکاري کوي.