وروستی
ننګرهار کې د نفرایټ ډبرو د استخراج کانونو د چاپېریالي وضعیت ارزونه وشوه
۱۴۴۷ کال د ذوالقعدې۲۰نېټه/ننګرهار
د کانونو د استخراج چارو کې د چاپېریالي اصولو د تطبیق په
پار د ننګرهار ولایت د چاپېریال ساتنې ریاست نظارتي ټیم له لوري د ګوشتې ولسوالۍ اړوند
زاڼو ساحه کې د اجمل مومند نفرایټ او آغا ولي پوپل په نومونو د نفرایټ ډبرو د
استخراج کانونو د چاپېریالي وضعیت څارنه او ارزونه ترسره شوه.
د چاپېریالي چارو مفتشینو له لوري د څارنې پر مهال د کانونو
مسوولینو ته موجوده چاپېریالي نېمګړتیاوې ور وښودل شوې؛ د چاپېریال قانون او
مقرراتو په هکله ورته هر اړخیز معلومات ورکړل شول او لازمې سپارښتنې ورته وشوې چې
خپل فعالیتونه معیاري او د اصولو مطابق ترسره کړي.
د ذکر شویو فعالیتونو مسوولینو د چاپېریالي اصولو د تطبیق
ژمنه وکړه او مفتشینو ته یې ډاډ ورکړ چې موجوده نېمګړتیاوې به اصلاح کوي.