وروستی
د چاپېریال ساتنې په هکله ۸۰۰ښوونکو او زدهکوونکو پوهاوی ورکړل شو
۱۴۴۷ کال د ذوالقعدې۲۳نېټه/پروان
زدهکووکو کې د چاپېریال ساتنې فرهنګ ترویج او پياوړتیا په
موخه د پروان ولایت د چاپېریال ساتنې ریاست له لوري د یولسمې ناحیې اړوند ښونځي
زدهکوونکو او ښوونکو ته د مختلفو چاپېریالي
موضوعاتو په اړه د عامه پوهاوي روزنیزه
برنامه ترسره شوه.
د عامه پوهاوي په یاده غونډه کې شاوخوا (۸۰۰) تنه زدهکوونکو او ښوونکو ګډون
کړی وو چې د عامه پوهاوي ټیم له لوري ورته د چاپېریال د خوندیتوب، اقلیمي بدلون د
ناوړه اغېزو، ځنګلونو د ارزښت، د اوبو، هوا، خاورې او غږیزې ککړتیا د مخنیوي،
همدارنګه د ونو او بوټو د ساتنې او د وحشي ژویو د خوندیتوب په اړه هر اړخیز
معلومات وړاندې شول.
چاپېریال ساتنې ته د زدهکوونکو د هڅونې او چاپېریالي
موضوعاتو په تړاو د هغوی د پوهاوي کچې لوړولو په موخه پرې یو شمېر تبلغیاتي چاپي
توکي هم وویشل شول.
د ياد ښونځي مسؤلینو، ښوونکو او زدهکوونکو د چاپېریال ساتنې
په برخه کې خپل مسؤلیتونو ته متوجه کړای شول او ژمنه یې وکړه چې چاپېریال ساتنې ته
به ځانګړې پاملرنه کوي.