وروستی
د چاپېریال ساتنې ادارې عمومي رئیس د UN Habitat له مشرتابه سره وکتل
۱۴۴۷کال د ذوالقعدې ۲۴نېټه/کابل
د چاپېریال ساتنې ادارې عمومي رئیس الحاج مولوي مطیع الحق
خالص نن دوشنبه د ۱۴۰۵کال
د ثور میاشتې په ۲۱مې
نېټه د UN Habitat
له مشرې او مل پلاوي سره په خپل کاري دفتر کې
وکتل.
په دې لیدنه کې اذربایجان هېواد ته د چاپېریال ساتنې ادارې
عمومي رئیس په مشرۍ تلونکي هیئت د ګډون د څرنګوالي او تابیاوو په هکله هر اړخیز
بحث او خبرې وشوې.
د لیدنې په پیل کې د چاپېریال ساتنې ادارې عمومي رئیس الحاج
مولوي مطیع الحق خالص د ګډونوالو هرکلی وکړ او د سفر د اهمیت په اړه یې خبرې وکړې.
نوموړي د UN Habitat
له مسوولینو وغوښتل چې د اذربایجان هېواد پلازمېنه
باکو کې (WUF) نړۍوال
کنفرانس کې د افغان پلاوي د سفر لپاره لازمې تابیاوې ولري او هلته دې د افغانستان
موجوده ستونزو ته په کتو په اړوندو غونډو کې د پیاوړې همغږۍ په موخه اسانتیاوې
برابرې کړي.
په افغانستان کې UN Habitat مشرې
آغلې سټېفن لوزي د چاپېریال ساتنې ادارې له عمومي رئیس مننه وکړه او د اذربایجان
پلازمېنه باکو کې یې د
(WUF) نړۍوال کنفرانس په تړاو هر اړخیز معلومات وړاندې
کړل.
د غونډې په لړ کې دواړو خواوو د همغږۍ پر پیاوړتیا ټینګار
وکړ او هوکړه وشوه چې د هېواد چاپېریالي ستونزو او لومړیتوبونو ته په کتو باید په یاد
کنفرانس د افغانستان ستونزې تر نړۍوالو ورسیږي.