وروستی
د اقليم زرغون صندوق له لوري د يو مليون ډالرو په ارزښت د افغانستان دويمه پروژه منظور شوه
د چاپېريال ساتنې ملي ادارې د تقويت تر نامه لاندې د افغانستان دويمه پيشنهادي طرحه د اقليم زرغون صندوق (GCF) د آماده سازۍ وجې له لارې منظور شوه.
د چاپېريال ساتنې ملي ادارې د د آماده سازۍ او ملاتړ وجې له لارې د چاپېريال ساتنې ملي ادارې د تقويت په موخه د تطبيق کوونکي ملي بنسټ (National Implementing Entity) د رامنځ ته کېدو په موخه د اقلیم زرغون صندوق لپاره د هېواد پرمختیايي برنامې، په اقلیمي مسائلو کې د خصوصي سکتور شاملولو او د ملي ذيصلاح بنسټ د ظرفيت لوړولو په برخو کې د يو مليون ډالرو غوښتنه کړې وه، چې د تائيد وړ وګرځېده.
تمه ده دا پروژه د چاپېريال ساتنې ملي ادارې لخوا د ملګرو ملتونو د خوړو او کرنې سازمان (FAO) په همکارۍ سره پلي شي.
د چاپېريال ساتنې ملي اداره په دې وروستيو کې وتوانېده چې د اقليم زرغون صندوق څخه دوه پروژې ترلاسه کړي او همدارنګه د انرژۍ په برخه کې يو پروژه د تائيدۍ په تمه ده او د کرنې په برخه کې يوه پروژه د اقليم زرغون صندوق ته د استولو لپاره چمتو ده.