وروستی
د ښارګوټو او اصنافو د بندولو لړۍ په دوام
د چاپېریال ساتنې ملي ادارې عمومي رئیس شاه زمان میوندي په مشرۍ، د دې ادارې مسلکي معین انجنیر عزت الله صدیقي، د کابل ښاروالۍ د ښاري خدمتونو معینې آغلې مهتاب عالمي، د امنیه قوماندانۍ مسوولینو د اړوندو حوزو آمرینو او رسنیو په حضور کې پرون ماښام د مرغومي په ۹مه نېټه په کابل ښار کې د هواککړتیا لامل پنځه نور ستر مرکزونه (صوفیان پلازا، احمد ارسلان خالد ټاور، انار برج، حبیب یار ټاور او وکیل پلازا) د سونګ سیسټمونه او د پلور دفترونه وتړل شول.
د پرون ورځې په دوام نن یو ځل بیا لوړپوړي دولتي پلاوي د هوا ککړتیا د راکمولو، مخنیوي او قدرمنو هيوادوالو د شکایتونو په اساس د شپږو لوړپوړیزو و دانیو د سونګ سیسټمونه له نېږدي وکتل شول چې له دې جملې څخه یې د کفایت سنټر د سونګ سیسټم معیاري او پنځه نور یې مهر ولاک شول.
ښاغلي میوندي وویل: موږ په خورا جدیت او ټینګې ارادې دې لړۍ ته دوام ورکوو او ټولې هغه منابع چې د کابل ښار د هوا ککړتیا لامل ګرځي د چاپېریال ساتنې ملي ادارې، کابل ښاروالۍ او پولیسو ګډ پلاوي په همکارۍ به یې د چاپېریالي چارو جدي څارنه کیږي.
د یادولو وړ ده چې هغه ضرب الاجل چې د هوا ککړتیا لاملو فعالیتونو ته ورکړل شوی و، پرون پای ته رسېدلی او له دې وروسته به په ټول ښار کې جدي تفتیش روان وي