وروستی
د اقليم زرغون صندوق (GCF) لپاره د ملي برنامې د انکشاف په موخه تخنيکي مشورتي جلسه ترسره شوه
د چاپېريال ساتنې ملي ادارې د اقلیم زرغون صندوق لپاره د ملي برنامې د انکشاف په موخه د وزارتونو، ذيربطو دولتي ادارو او د (MIEs) څو اړخيزو تطبيقوونکو بنسټونو د استازو په ګډون او د اوزون دفتر مسوول او د اقليمي بدلون سرپرست رئيس احمد صميم هوشمند په رياست تخنيکي مشورتي ناسته د بند امير غونډو په تالار کې ترسره کړه.
د دې جلسې موخه د وزراتونو او ذيربطو ادارو له لوري د جوړو شويو پيشنهادي طرحو وړاندې کول او بحث و او په دې جلسه کې هڅه وشوه چې د يادو پيشنهادي طرحو د انکشاف لپاره د (MIEs) څو اړخيزو تطبيقوونکي بنسټونه وپېژندل شي، د اقليم زرغون صندوق لپاره هېواد په ملي برنامه کې په پام کې ونیول شي او د دې صندوق سکرتريت ته واستول شي.
د جلسې په ترڅ کې د ( د کليو د بيا رغونې او پراختيا وزارت، د ابو او برېښنا وزارت، د کرنې او مالدارۍ وزارت، ترانسپورت وزارت، د هوا پېژندنې ملي اداره، د افغانستان د برېښنا شرکت ) وزارتونو او ذيربطو ادارو په ۹ پيشنهادي پروژو باندې ژور بحث وشو او په پای کې پرېکړه وشوه ترڅو وزارتونه او ذيربطې ادارې خپلو پيشنهادي طرحو باندې بيا کتنه وکړي او د درې ورځو په ترڅ کې دې د له دې ادارې سره شريکې کړي، همدارنګه د چاپېريال ساتنې ملي اداره دې د تطبيقوونکي بنسټ په توګه د ښاري ترانسپورت پيشنهادي طرحې او له ښاري پاتې شونو څخه د انرژۍ د تولید برنامې په اړه د اسيا پراختيايي بانک (ADB) او نورو څو اړخيزو تطبيقوونکو بنسټونو سره خبرې وکړي.