وروستی
د هغو روغتونونو د مالیکنو د پام وړ چې خلکو ترې شکایات کړی
د چاپېریال ساتنې ملي ادارې مفتیشینو د کابل ښاروالۍ او امنیه قومندانۍ سره په همکارۍ، د روانو څارنو او پلټنو په لړ کې، له څو هغو روغتونو لیدنه وکړه، چې د مرکزګرمیو سیستمونه یې غیر معیاري وو.
دغه څارنې او پلټنې د کابل ښاریانو د شکایتونو په اساس چې د چاپېریال ساتنې ملي ادارې له ارتباطي شمېرو سره یې ثبت کړي وو ، تر سره شوې.
د چاپېریال ساتنې ملي ادارې مفتیشینو وویل: چې د دغو روغتونونو له ډلې، ځینو د لوګیو غیر معیاري فلترونه لګولي چې د مناسب او وړ فعالیت وړ نه دي؛ خو ځینو نورو یې بیا د لوګیو د مخنیوي لپاره تر اوسه فلتر نه دي لګولي.
د چاپېریال ساتنې ملي اداره د کابل ښار د هوا ککړتیا د مخنیوي او راکمولو په پار د ټولو شخصي روغتونو له مالیکینو او د دولتي روغتونونو له مسولینو غوښتنه کوي، چې هر څومره ژر په دې اړه جدي اقدام وکړي او د مرکز ګرمیو سیستمونه جوړ کړي؛ کنه نو له سرغړوونکو سره به قانوني چلند وشي او قضایي او عدلي ارګانونو ته به معرفي شي.
د یادولو وړ ده چې د کابل ښار له مختلفو ساحو څارنه او کنترول په دومداره تو ګه دوام لري او له ټولو سرغړوونکو سره قانوني چلند کېږي.