وروستی
د خبر نګارانو ورځې په ویاړ د چاپېریال ساتنې ملي ادارې د عمومي رییس پیغام
د چاپېریال ساتنې ملي ادارې د رهبرۍ په نمایندګۍ د خبرنګارنو ملي ورځ، چې د کب میاشتې له ۲۷ مې نېټې سره سمون خوري، د هېواد ټولو زحمت کښو خبر نګارانو ته مبارک کوم. د هغو خبرنګارانو روح ته، چې د بیان آزادۍ او خبر رسوونې په برخه کې قرباني شوي دي؛ درود وايم او درنو کورنیو ته یې د لوی خدای له دربار څخه د صبر او خوشبختیو هیله لرم.
له شک پرته چې خبرنګاران په سختو شرایطو کې د خبر رسوونې لپاره په لومړي صف کې ځای لري. موږ د هر خبرنګار او رسنۍ له هلو ځلو او زحمتونو ځانګړې مننه کوو.
د چاپېریال ساتنې ملي ادارې کړنو او مسؤلیتونو ته په کتنې ، چې یوه ځانګړې او اساسي څانګه یې د عامه پوهاوي برخه ده؛ رسنۍ او خبرنګاران پر یوه وخت، همدې موخې ته د رسېدو او د دې ادارې د لاسته راوړنو او فعالیتونو په برخه کې له موږ سره همکار وو.
له شک پرته خبرنګاران هغه لښکر او ډله ده چې په هېواد کې د خلکو او ملي ارزښتونو د تلپاتې والي په برخه کې ترې سترګې نه شو پټولای. موږ ستاسې تر څنګ یو او ستاسو له ټولو زحمتونو او هلو ځلو مننه کوو.
شاه زمان میوندی
د چاپېریال ساتنې ملي ادارې عمومي رئیس
کابل – د کب ۲۷مه