وروستی
د چاپېریال ساتنې ملي ادارې عمومي رئیس: رسنۍ دي د افغانستان د اقلیمي بدلون د زیانمنتیا غږ په بدرګه کولو کې خپل مسوولیت ادا کړي
١٤٤٧کال د صفرالمظفر ٦مه/ کابل
سلام وطندار راډیو د «رسنیو رول په اقلیمي بدلون کې» تر سرلیک
لاندې غونډه جوړه کړې وه چې پکې د چاپېریال ساتنې ملي ادارې عمومي رئیس مولوي مطیعالحق
خالص، د اطلاعاتو او کلتور وزارت نشراتي مرستیال مهاجر فراهي، د ملګرو ملتونو دفتر
استازي سټیفن سمیت، د پاکستان د سفارت نماینده، د رسنیو مسؤلینو، ژورنالېستانو او
د اقلیمي بدلون برخي کارپوهانو ګډون کړی و.
په پیل کې د سلام وطندار راډیو مرستیال نورمحمد هاشمي خبري
وکړې، ويې ويل د غونډې هدف د رسنیو رول او ونډه ده څو د اقلیم بدلون له امله د
افغانستان د زیانمنتیا غږ پورته او نړیوالو ته ورسول شي.
د چاپېریال ساتنې ملي ادارې عمومي رئیس مولوي مطیعالحق
خالص په خپلو خبرو کې وویل، افغانستان د اقلیمي بدلون له امله له جدي خطرونو سره
مخ دی، حال دا چې د نړۍ د کاربن د اخراج برخه کې یې ونډه ډېر کمه ده. نوموړي له
رسنیو وغوښتل چې د افغانستان د مظلوم ملت غږ نړیوالو ته ورسوي او د اقلیمي بدلون
ستونزو په تړاو عامه پوهاوي ته لومړیتوب ورکړي.
ده وويل نړیوالو چاپېریالي مسایل سیاسي کړي او د دې هېواد
تر ٩٠٠ ميليونو ډالرو زياتي پروژې يې په تعلیق کې اچولي، چې دا په ښکاره توګه د
افغانستان له ملت سره ظلم دی.
نوموړي په راتلونکي کې د اقلیمي بدلون نړیوال کنفرانس کاپ
٣٠ ته په اشارې سره وویل، افغانستان ته بايد بلنه ورکول شي او رسنۍ دي د دې غږ په
بدرګه کولو کې لازمه مرسته او همکاري وکړي.
همداراز د اطلاعاتو او کلتور وزارت نشراتي مرستیال مهاجر
فراهي، د طلوع نیوز مسؤل ذبیح الله سادات او یو تن د اقلیمي بدلون برخي کارپوه شعیب
سادات د رسنیو پر ارزښت، مسؤلیت او اغېزمن رول خبرې وکړې او ټینګار یې وکړ چې رسنۍ
باید د اقلیم بدلون په اړه خپلو خپرونو او راپورونو ته لا ډېره پاملرنه وکړي.
د غونډې په وروستیو شېبو کې د یو پرانیستي بحث په ترڅ کې د
چاپېریال ساتنې ملي ادارې عمومي رئیس، د یوناما استازي او د پاکستان د سفارت نماینده
د سیمهییزو همکاریو، د معلوماتو د شریکولو او نړیوالو میکانیزمونو له لارې د اقلیم
بدلون پر وړاندې د ګډو هڅو پر اړتیا خبرې وکړې.
غونډه په دې ټکو پای ته ورسېده چې رسنۍ باید د اقلیمي او
چاپېریالي پوهاوي د لوړولو لپاره خپلې هڅې زیاتې کړي او نړیوال بنسټونه دې د
افغانستان بشپړ ملاتړ ته را ودانګي.