از وضعیت آب آشامیدنی و چاه های فاضلاب ادارات دولتی نظارت به عمل آمد

دایکندی -  ۱۶ ربیع الثانی ۱۴۴۶
تیم نظارتی با حضور نماینده گان ریاست های حفاظت محیط زیست، صحت عامه، شهرسازی و مسکن، شاروالی، حوزه فرعی دریایی هلمند و قومندانی امنیه ولایت دایکندی از آب آشامیدنی و چاه‌های فاضلاب ۲۲ اداره دولتی در شهر نیلی نظارت نموده، به مسوولین ۹ اداره که دارای چاه جذبی و غیر معیاری بودند توصیه کردند تا برای فاضلاب ادارات شان چاه های معیاری را اعمار نمایند.